Si VIRGILIO S. ALMARIO, nangungunang makata, kritiko, editor, tagasalin, guro, at administrador pangkultura, ay ginawaran ng pinakapremyadong parangal ng Republika ng Filipinas bílang National Artist for Literature noong 2003. Bílang makata, tagasalin, at kritiko, isa siya sa mga nagsulong ng matagumpay na Modernismo sa panulaang Filipino kasama sina Lamberto E. Antonio at Rogelio G. Mangahas. Nakapaglathala siya ng mahigit 80 aklat sa tula at kritisismong pampanitikan sa loob ng anim na dekadang paglilingkod bílang makata at guro. Ilan sa mga mga pinakabago niyang koleksiyon ng tula ay Ang Romansa ng Pagsagip ng Osong Marso (2013), Lungting Lungsod ng Lunggati (2014), at May mga Damdaming Higit Kaysa Atin (2015). Isinalin na rin ang kaniyang mga tula sa mga nangungunang wika sa mundo gaya ng Ingles sa librong Heartland (2016) at sa librong In the Hour of Merchant and Felon (2016); at sa wikang Español sa librong En tiempos de la vendedora y del criminal (2016). Pinarangalan ang kaniyang mga ambag sa wika’t panitikan ng Don Palanca Memorial Awards, Cultural Center of the Philippines, Komisyon sa Wikang Filipino, Ten Outstanding Young Men for Literature, Southeast Asia Writers Award ng Thailand, Dangal ng Lipi ng Bulacan, Gawad Patnubay ng Sining ng Maynila, Gantimpalang Quezon ng Lungsod Quezon, National Book Awards, Gawad Tsanselor at UP Centennial Professorial Chair ng Unibersidad ng Pilipinas Diliman, Doktor sa Panitikan, honoris causa mula sa University of the East, at marami pang iba. Malaking bahagi ng kaniyang buhay ang inilaan niya sa pagiging guro. Nagturo siya sa Philippine Science High School at sa Ateneo de Manila University. Ginawaran naman siya ng ranggong Professor Emeritus ng Unibersidad ng Pilipinas Diliman noong 2010. Bílang administrador pangkultura, naglingkod siya bílang Dekano ng Kolehiyo ng Arte at Literatura sa UP Diliman at dating Executive Director ng National Commission for Culture and the Arts (NCCA). Nagsilbi rin siyáng Tagapangulo ng Komisyon sa Wikang Filipino (KWF) at ng NCCA.
Tumanggap ng 2015 Regent’s Medal for Excellence in Teaching, si PIA C. ARBOLEDA ay kasalukuyang Direktor ng Center for Philippine Studies, Kawaksing Propesor, at Tagapag-ugnay ng Programa sa Filipino at Panitikang Filipino sa University of Hawaii at Manoa. Nagtapos siya ng Doktor ng Sining sa Wika at Literatura sa Pamantasang De La Salle Maynila. Bago nagturo sa UH, nagsilbi siyáng Visiting Professor sa Osaka University at Katuwang na Propesor sa Unibersidad ng Pilipinas Baguio. Isa siyáng tagasalin ng Filipino-Ingles at gumagawa ng mga bilingguwal na materyal panturo tungkol sa mga kuwentong bayan at kulturang Pilipino.
Si Maria Josephine Barrios Leblanc o mas kilaláng Joi Barrios ay lecturer sa Filipino at Panitikang Filipino sa University of California in Berkeley sa Estados Unidos. Nang matapos ang kaniyang PhD sa Filipino at Panitikang Filipino sa Unibersidad ng Pilipinas Diliman, nagturo siya sa Osaka University of Foreign Studies, sa UCLA at UCI. Pagkaraan, bumalik siya sa Maynila upang magsilbing Kawaksing Dekana ng UP Kolehiyo ng Arte at Literatura at Tagapag-ugnay ng Gradwadong Programa nito. May-akda siya ng maraming aklat, kabílang na ang dalawang teksbuk, at ang katipunan ng mga tulang pinamagatang To Be a Woman is to Live at a Time of War gayundin ang kaniyang saliksik na From the Theater Wings: Grounding and Flight of Filipino Women Playwrights. Napagwagian niya ang labing-apat na pambansang timpalak pampanitikan at napili bílang isa sa 100 Women Weavers of History para sa pagdiriwang ng Sentenaryo ng Kalayaan ng Pilipinas. Noong 2004, tumanggap siya ng (Ten Outstanding Women in the Nation's Service) Award at noong 2006, ng Balagtas Award for Lifetime Achievement in Literature (Poetry in Filipino).
Si ERNESTO VILLALUZ CARANDANG II, kilalá sa palayaw na Nonon, ay dáting Tagapangulo ng Departamento ng Filipino ng De La Salle University – Maynila. Isa rin siyáng Full Professor sa panitikan, wika, kultura, malikhaing pagsulat, pamamahayagan, at sining sa antas kolehiyo at gradwado sa nasabing pamantasan. Nailathala ang kaniyang mga aklat na Angkan ni Eba (UST Publishing House, 2005), Lahi ni Adan (UST Publishing House, 2007) at Mga Kuwentong Lagalag (NCCA Ubod Writers Series). Naging fellow siya ng mga pambansang pampanitikang palihan at naging NCCA grant recipient. Nailathala sa mga magasin, pahayagan, at antolohiyang pampanitikan sa bansa at ibayong-dagat ang kaniyang mga akda. Hinirang siya bílang visiting professor sa University of Mahidol sa Salaya, Thailand noong 2015. Makailang ulit
siyáng naimbitahan ng mga pamantasan at kolehiyo sa bansa para maglektyur ukol sa pananaliksik, inobatibong pagtuturo ng panitikan at sining, at mga paksang ukol sa Araling Pilipinas. Kasalukuyan siyáng abalá bílang direktor ng kaniyang korong Neo Nocturne para sa serye ng pagtatanghal sa loob at labas ng bansa.
Si JOVITO V. CARIÑO ay kasalukuyang Tagapangulo ng Departamento ng Pilosopiya ng Unibersidad ng Santo Tomas. Natapos niya ang kaniyang MA sa Pilosopiya mula sa Pamantasang Ateneo de Manila at ang kaniyang PhD sa Pilosopiya sa UST. Bukod sa Pakultad ng mga Sining at Panitik, nagtuturo din siya sa mga Pakultad Eklesyiastiko at sa Paaralang Gradwado ng UST. Sa kasalukuyan, isa siyáng kawaksing mananaliksik ng UST Research Center for Culture, Arts and the Humanities (RCCAH). Kabílang sa mga interes niya sa pananaliksik ang etika, relihiyon, politika, at kulturang Pilipino. Noong 2018, ang aklat niyang Muni: Paglalayag sa Pamimilosopiyang Filipino ay inilathala ng UST Publishing House.
Si MICHAEL M. COROZA ay Full Professor at Tagapangulo ng Kagawaran ng Filipino, Paaralan ng Humanidades, Pamantasang Ateneo de Manila. Nagtuturo siya ng Panitikang Filipino, Malikhaing Pagsulat, at Pagsasaling Pampanitikan sa kolehiyo at gradwadong paaralan. Hawak niya sa Ateneo mula noong 2012 ang Rev. Fr. Horacio de la Costa, SJ, Endowed Professorial Chair in History and the Humanities. Noong 2016, iginawad nito sa kaniya ang Rev. Fr. Henry Lee Irwin, SJ, Memorial Teacher Award for the Humanities. Nagtapos siya ng B.A. sa Pilosopiya sa Unibersidad ng Santo Tomas, MA sa Panitikang Filipino sa Ateneo de Manila, at PhD sa Filipino – Wika at Pagsasalin sa Unibersidad ng Pilipinas Diliman. Kumuha siya ng mga post-doktoral na kurso sa pagsasalin sa Nida School for Translation Studies ng Fondazione Universitaria San Pellegrino sa Italy at sa School of Translation and Interpretation ng Ottawa University sa Canada. Makata, mananaysay, kuwentistang pambata, tagasaling pampanitikan, at editor, tinanggap niya ang Southeast Asia Write (SEAWRITE) Award mula sa Kamahalan ng Thailand noong 2007 at ang Gawad Ani ng Dangal mula sa National Commission for Culture and the Arts (NCCA) noong 2009, bukod pa sa walong ulit na nagkamit siya ng mga pangunahing gantimpala sa Don Carlos Palanca Memorial Awards for Literature. Inilathala ng Aklat ng Bayan ng Komisyon sa Wikang Filipino (KWF) ang salin niya mula sa orihinal na Español ng La Revolucion Filipina ni Apolinario Mabini, Junto al Pasig ni Jose Rizal, at ang Contemporary Social Philosophy ni Manuel B. Dy, Jr. Magkapanabay na ginagampanan niya ngayon ang pagiging Tagapangulo ng Unyon ng mga Manunulat sa Pilipinas (UMPIL) at ng Komite sa Wika at Salin ng Subkomite sa Diseminasyong Pangkultura ng NCCA. Bílang alumnus ng UST, tinanggap niya ang The Outstanding Thomasian Alumni (TOTAL) Award for the Humanities noong 2016. Pana-panahong gumaganap din siya bílang Professorial Lecturer sa Gradwadong Paaralan ng UST.
Si EMMANUEL C. DE LEON ay isang propesor sa Departamento ng Pilosopiya, Unibersidad ng Santo Tomas. Nagtapos siya ng Batsilyer sa Pilosopiya sa Saint Augustine Seminary at ng MA at PhD sa Pilosopiya sa Paaralang Gradwado ng UST. Isinulat niya at nadepensahan ang kaniyang disertasyon hinggil sa uri ng diskurso ng mga pangunahing Tomasinong pilosoper na tumanggap ng Gawad Julian Cruz Balmaseda noong 2018 mula sa Komisyon sa Wikang Filipino. Kasalukuyan siyáng kawaksing mananaliksik sa Research Center on Culture, Arts, and the Humanities (RCCAH) ng UST. Nakasentro ang kaniyang mga pananaliksik sa mga temang may kaugnayan sa kultura ng sekularismo, pluralismo, at kasaysayan ng pamimilosopiya sa Pilipinas. Interesado rin siya sa mga pananaliksik na may kinalaman sa pagsasalin.
Si FEORILLO PETRONILO A. DEMETERIO III ay kasalukuyang Direktor ng University Research Coordination Office at Full Professor sa Departamento ng Filipino ng Pamantasang De La Salle Maynila. Nagtapos siya ng PhD sa Araling Filipino sa Unibersidad ng Pilipinas Diliman at ng kaniyang MA at Batsilyer sa Pilosopiya at Batsilyer at Lisensiyatura sa Banal na Teolohiya sa Unibersidad ng Santo Tomas. Ilan sa mga aklat na kaniyang isinulat ang From Exceptionality to Exceptional: Inclusion of Differently-Abled Persons in the Workplace (2014), Ferdinand Blumentritt and the Philippines: Insights and Lessons for Contemporary Philippine Studies (2013), at Ang mga Ideolohiyang Politikal ng Catholic Bishops’ Conference of the Philippines: Isang Pag-aaral sa mga Piling Pahayag mula sa Limang Panahon ng Kontemporaryong Eklesiastiko-Politikal na Kasaysayan ng Pilipinas (2012). Nakapag-akda na rin siya ng humigit kumulang 80 artikulo sa iba’t ibang nasyonal at internasyonal na refereed journal, marami sa mga ito ay ISI at Scopus-indexed. Iláng ulit na siyáng tumanggap ng pagkilala sa paglalathala ng pinakamahusay na artikulong iskolarli sa kanilang pamantasan.
Dr. Rodney C. Jubilado holds the degree of PhD in Theoretical Linguistics and works at the University of Hawaii, Hilo, Hawaii, USA. He is a tenured Associate Professor and the immediate past Chair of the Humanities Division. His research and scholarly inquiry revolve around the social sciences and the humanities: heritage studies, theoretical linguistics, migration studies, cultural anthropology, Southeast Asian Studies, among others. He has spoken in many international settings in Australia, various countries in Asia, and in the United States of America. He sits on the editorial boards of several international, peer-reviewed journals including those under Scopus and ISI. His professional affiliations are as follows: American Association for Applied Linguistics, Association for Asian Studies, Asian Studies on the Pacific Coast, Linguistic Society of America, Linguistic Society of the Philippines, New Zealand Linguistic Society, Southeast Asian Linguistic Society, American Council on the Teaching of Foreign Languages, Hawaii TESOL, to name a few.
Si CHUCKBERRY J. PASCUAL ay nagtapos ng PhD Malikhaing Pagsulat sa UP Diliman. Siya ang awtor ng Kumpisal: Mga Kuwento (2015), Pagpasok sa Eksena: Ang Sinehan sa Panitikan at Pag-aaral ng Piling Sinehan sa Recto (2016), Ang Nawawala (2017) at Ang Tagalabas sa Panitikan (2018). Nagsisilbi siya bílang Resident Fellow sa UST Center for Creative Writing and Literary Studies (CCWLS) at Research Fellow sa UST Research Center for Culture, Arts and Humanities (RCCAH).
Si JOVY M. PEREGRINO ay Full Professor sa Departamento ng Filipino at Panitikan ng Pilipinas ng Unibersidad ng Pilipinas Diliman at Visiting Professor sa Busan University of Foreign Studies. Sa UP Diliman din niya natapos ang kaniyang BSE Filipino, MA sa Filipino – Wika, at PhD sa Filipino – Pagpaplanong Pangwika. Nagsilbi siyáng editor ng Daluyan (2010 at 2011), ang refereed journal sa Filipino ng UP Diliman, Salindaw: Varayti at Baryasyon ng Filipino (2012), at MINANGA: Mga Babasahin sa Varayti at Varyasyon ng Filipino (2002). Nakapaglathala na siya ng mga saliksik sa iba’t ibang nasyonal at internasyonal na refereed journal. Nagsilbi siyáng Tagapangulo ng National Committee on Language and Translation ng National Commission for Culture and the Arts (NCCA - NCLT) noong 2007 – 2011, Direktor ng UP Sentro sa Wikang Filipino noong 2009 – 2011, at Sekretaryo-Heneral ng Sanggunian sa Filipino (SANGFIL) noong 2009 – 2011. Mula 2012, ginagampanan niya ang pagiging kasapi ng Regional Quality Assessment Team (RQAT) ng Commission on Higher Education (CHED-NCR).
Si GALILEO S. ZAFRA ay Full Professor sa Departamento ng Filipino at Panitikan ng Pilipinas ng Unibersidad ng Pilipinas Diliman. Dito rin siya nagtapos ng BA sa Araling Filipino (Summa Cum Laude), MA sa Filipino – Panitikan at PhD sa Filipino – Panitikan. Siya ang may-akda ng aklat na Balagtasan: Kasaysayan at Antolohiya (1999); editor ng Tambuli: Babasahin sa mga Kursong Nakasandig sa Kultura (2015), Mga Lektura sa Kasaysayang Pampanitikan (2013), Salin-Suri: Panimulang Pagmamapa ng mga Larangan sa Pag-aaral ng mga Salin sa Filipinas (2010) at Pambansang Balagtasan (2009); at ko-editor ng Ambagan: Mga Salita Mula sa Iba’t Ibang Wika sa Filipinas (2014) at Sawikaan: Salita ng Taon (2006 at 2004). Nagsilbi rin siyáng editor o ko-editor ng Daluyan at Philippine Humanities Review, mga refereed journal ng UP Diliman, sa iba’t ibang taon. Bílang isang tagasalin, kritiko, at iskolar ng wika at panitikang Filipino, nakapag-akda na siya ng maraming salin at artikulo sa iba’t ibang publikasyon at nakapangasiwa o nakapagbasa ng papel sa iba’t ibang kumperensiya, kapuwa nasyonal at internasyonal. Nagsilbi rin siyáng Visiting Professor sa Osaka University mula 2009 hanggang 2014.
Si VIRGILIO S. ALMARIO, nangungunang makata, kritiko, editor, tagasalin, guro, at administrador pangkultura, ay ginawaran ng pinakapremyadong parangal ng Republika ng Filipinas bílang National Artist for Literature noong 2003. Bílang makata, tagasalin, at kritiko, isa siya sa mga nagsulong ng matagumpay na Modernismo sa panulaang Filipino kasama sina Lamberto E. Antonio at Rogelio G. Mangahas. Nakapaglathala siya ng mahigit 80 aklat sa tula at kritisismong pampanitikan sa loob ng anim na dekadang paglilingkod bílang makata at guro. Ilan sa mga mga pinakabago niyang koleksiyon ng tula ay Ang Romansa ng Pagsagip ng Osong Marso (2013), Lungting Lungsod ng Lunggati (2014), at May mga Damdaming Higit Kaysa Atin (2015). Isinalin na rin ang kaniyang mga tula sa mga nangungunang wika sa mundo gaya ng Ingles sa librong Heartland (2016) at sa librong In the Hour of Merchant and Felon (2016); at sa wikang Español sa librong En tiempos de la vendedora y del criminal (2016). Pinarangalan ang kaniyang mga ambag sa wika’t panitikan ng Don Palanca Memorial Awards, Cultural Center of the Philippines, Komisyon sa Wikang Filipino, Ten Outstanding Young Men for Literature, Southeast Asia Writers Award ng Thailand, Dangal ng Lipi ng Bulacan, Gawad Patnubay ng Sining ng Maynila, Gantimpalang Quezon ng Lungsod Quezon, National Book Awards, Gawad Tsanselor at UP Centennial Professorial Chair ng Unibersidad ng Pilipinas Diliman, Doktor sa Panitikan, honoris causa mula sa University of the East, at marami pang iba. Malaking bahagi ng kaniyang buhay ang inilaan niya sa pagiging guro. Nagturo siya sa Philippine Science High School at sa Ateneo de Manila University. Ginawaran naman siya ng ranggong Professor Emeritus ng Unibersidad ng Pilipinas Diliman noong 2010. Bílang administrador pangkultura, naglingkod siya bílang Dekano ng Kolehiyo ng Arte at Literatura sa UP Diliman at dating Executive Director ng National Commission for Culture and the Arts (NCCA). Nagsilbi rin siyáng Tagapangulo ng Komisyon sa Wikang Filipino (KWF) at ng NCCA.
Tumanggap ng 2015 Regent’s Medal for Excellence in Teaching, si PIA C. ARBOLEDA ay kasalukuyang Direktor ng Center for Philippine Studies, Kawaksing Propesor, at Tagapag-ugnay ng Programa sa Filipino at Panitikang Filipino sa University of Hawaii at Manoa. Nagtapos siya ng Doktor ng Sining sa Wika at Literatura sa Pamantasang De La Salle Maynila. Bago nagturo sa UH, nagsilbi siyáng Visiting Professor sa Osaka University at Katuwang na Propesor sa Unibersidad ng Pilipinas Baguio. Isa siyáng tagasalin ng Filipino-Ingles at gumagawa ng mga bilingguwal na materyal panturo tungkol sa mga kuwentong bayan at kulturang Pilipino.
Si Maria Josephine Barrios Leblanc o mas kilaláng Joi Barrios ay lecturer sa Filipino at Panitikang Filipino sa University of California in Berkeley sa Estados Unidos. Nang matapos ang kaniyang PhD sa Filipino at Panitikang Filipino sa Unibersidad ng Pilipinas Diliman, nagturo siya sa Osaka University of Foreign Studies, sa UCLA at UCI. Pagkaraan, bumalik siya sa Maynila upang magsilbing Kawaksing Dekana ng UP Kolehiyo ng Arte at Literatura at Tagapag-ugnay ng Gradwadong Programa nito. May-akda siya ng maraming aklat, kabílang na ang dalawang teksbuk, at ang katipunan ng mga tulang pinamagatang To Be a Woman is to Live at a Time of War gayundin ang kaniyang saliksik na From the Theater Wings: Grounding and Flight of Filipino Women Playwrights. Napagwagian niya ang labing-apat na pambansang timpalak pampanitikan at napili bílang isa sa 100 Women Weavers of History para sa pagdiriwang ng Sentenaryo ng Kalayaan ng Pilipinas. Noong 2004, tumanggap siya ng (Ten Outstanding Women in the Nation's Service) Award at noong 2006, ng Balagtas Award for Lifetime Achievement in Literature (Poetry in Filipino).
Si ERNESTO VILLALUZ CARANDANG II, kilalá sa palayaw na Nonon, ay dáting Tagapangulo ng Departamento ng Filipino ng De La Salle University – Maynila. Isa rin siyáng Full Professor sa panitikan, wika, kultura, malikhaing pagsulat, pamamahayagan, at sining sa antas kolehiyo at gradwado sa nasabing pamantasan. Nailathala ang kaniyang mga aklat na Angkan ni Eba (UST Publishing House, 2005), Lahi ni Adan (UST Publishing House, 2007) at Mga Kuwentong Lagalag (NCCA Ubod Writers Series). Naging fellow siya ng mga pambansang pampanitikang palihan at naging NCCA grant recipient. Nailathala sa mga magasin, pahayagan, at antolohiyang pampanitikan sa bansa at ibayong-dagat ang kaniyang mga akda. Hinirang siya bílang visiting professor sa University of Mahidol sa Salaya, Thailand noong 2015. Makailang ulit
siyáng naimbitahan ng mga pamantasan at kolehiyo sa bansa para maglektyur ukol sa pananaliksik, inobatibong pagtuturo ng panitikan at sining, at mga paksang ukol sa Araling Pilipinas. Kasalukuyan siyáng abalá bílang direktor ng kaniyang korong Neo Nocturne para sa serye ng pagtatanghal sa loob at labas ng bansa.
Si JOVITO V. CARIÑO ay kasalukuyang Tagapangulo ng Departamento ng Pilosopiya ng Unibersidad ng Santo Tomas. Natapos niya ang kaniyang MA sa Pilosopiya mula sa Pamantasang Ateneo de Manila at ang kaniyang PhD sa Pilosopiya sa UST. Bukod sa Pakultad ng mga Sining at Panitik, nagtuturo din siya sa mga Pakultad Eklesyiastiko at sa Paaralang Gradwado ng UST. Sa kasalukuyan, isa siyáng kawaksing mananaliksik ng UST Research Center for Culture, Arts and the Humanities (RCCAH). Kabílang sa mga interes niya sa pananaliksik ang etika, relihiyon, politika, at kulturang Pilipino. Noong 2018, ang aklat niyang Muni: Paglalayag sa Pamimilosopiyang Filipino ay inilathala ng UST Publishing House.
Si MICHAEL M. COROZA ay Full Professor at Tagapangulo ng Kagawaran ng Filipino, Paaralan ng Humanidades, Pamantasang Ateneo de Manila. Nagtuturo siya ng Panitikang Filipino, Malikhaing Pagsulat, at Pagsasaling Pampanitikan sa kolehiyo at gradwadong paaralan. Hawak niya sa Ateneo mula noong 2012 ang Rev. Fr. Horacio de la Costa, SJ, Endowed Professorial Chair in History and the Humanities. Noong 2016, iginawad nito sa kaniya ang Rev. Fr. Henry Lee Irwin, SJ, Memorial Teacher Award for the Humanities. Nagtapos siya ng B.A. sa Pilosopiya sa Unibersidad ng Santo Tomas, MA sa Panitikang Filipino sa Ateneo de Manila, at PhD sa Filipino – Wika at Pagsasalin sa Unibersidad ng Pilipinas Diliman. Kumuha siya ng mga post-doktoral na kurso sa pagsasalin sa Nida School for Translation Studies ng Fondazione Universitaria San Pellegrino sa Italy at sa School of Translation and Interpretation ng Ottawa University sa Canada. Makata, mananaysay, kuwentistang pambata, tagasaling pampanitikan, at editor, tinanggap niya ang Southeast Asia Write (SEAWRITE) Award mula sa Kamahalan ng Thailand noong 2007 at ang Gawad Ani ng Dangal mula sa National Commission for Culture and the Arts (NCCA) noong 2009, bukod pa sa walong ulit na nagkamit siya ng mga pangunahing gantimpala sa Don Carlos Palanca Memorial Awards for Literature. Inilathala ng Aklat ng Bayan ng Komisyon sa Wikang Filipino (KWF) ang salin niya mula sa orihinal na Español ng La Revolucion Filipina ni Apolinario Mabini, Junto al Pasig ni Jose Rizal, at ang Contemporary Social Philosophy ni Manuel B. Dy, Jr. Magkapanabay na ginagampanan niya ngayon ang pagiging Tagapangulo ng Unyon ng mga Manunulat sa Pilipinas (UMPIL) at ng Komite sa Wika at Salin ng Subkomite sa Diseminasyong Pangkultura ng NCCA. Bílang alumnus ng UST, tinanggap niya ang The Outstanding Thomasian Alumni (TOTAL) Award for the Humanities noong 2016. Pana-panahong gumaganap din siya bílang Professorial Lecturer sa Gradwadong Paaralan ng UST.
Si EMMANUEL C. DE LEON ay isang propesor sa Departamento ng Pilosopiya, Unibersidad ng Santo Tomas. Nagtapos siya ng Batsilyer sa Pilosopiya sa Saint Augustine Seminary at ng MA at PhD sa Pilosopiya sa Paaralang Gradwado ng UST. Isinulat niya at nadepensahan ang kaniyang disertasyon hinggil sa uri ng diskurso ng mga pangunahing Tomasinong pilosoper na tumanggap ng Gawad Julian Cruz Balmaseda noong 2018 mula sa Komisyon sa Wikang Filipino. Kasalukuyan siyáng kawaksing mananaliksik sa Research Center on Culture, Arts, and the Humanities (RCCAH) ng UST. Nakasentro ang kaniyang mga pananaliksik sa mga temang may kaugnayan sa kultura ng sekularismo, pluralismo, at kasaysayan ng pamimilosopiya sa Pilipinas. Interesado rin siya sa mga pananaliksik na may kinalaman sa pagsasalin.
Si FEORILLO PETRONILO A. DEMETERIO III ay kasalukuyang Direktor ng University Research Coordination Office at Full Professor sa Departamento ng Filipino ng Pamantasang De La Salle Maynila. Nagtapos siya ng PhD sa Araling Filipino sa Unibersidad ng Pilipinas Diliman at ng kaniyang MA at Batsilyer sa Pilosopiya at Batsilyer at Lisensiyatura sa Banal na Teolohiya sa Unibersidad ng Santo Tomas. Ilan sa mga aklat na kaniyang isinulat ang From Exceptionality to Exceptional: Inclusion of Differently-Abled Persons in the Workplace (2014), Ferdinand Blumentritt and the Philippines: Insights and Lessons for Contemporary Philippine Studies (2013), at Ang mga Ideolohiyang Politikal ng Catholic Bishops’ Conference of the Philippines: Isang Pag-aaral sa mga Piling Pahayag mula sa Limang Panahon ng Kontemporaryong Eklesiastiko-Politikal na Kasaysayan ng Pilipinas (2012). Nakapag-akda na rin siya ng humigit kumulang 80 artikulo sa iba’t ibang nasyonal at internasyonal na refereed journal, marami sa mga ito ay ISI at Scopus-indexed. Iláng ulit na siyáng tumanggap ng pagkilala sa paglalathala ng pinakamahusay na artikulong iskolarli sa kanilang pamantasan.
Dr. Rodney C. Jubilado holds the degree of PhD in Theoretical Linguistics and works at the University of Hawaii, Hilo, Hawaii, USA. He is a tenured Associate Professor and the immediate past Chair of the Humanities Division. His research and scholarly inquiry revolve around the social sciences and the humanities: heritage studies, theoretical linguistics, migration studies, cultural anthropology, Southeast Asian Studies, among others. He has spoken in many international settings in Australia, various countries in Asia, and in the United States of America. He sits on the editorial boards of several international, peer-reviewed journals including those under Scopus and ISI. His professional affiliations are as follows: American Association for Applied Linguistics, Association for Asian Studies, Asian Studies on the Pacific Coast, Linguistic Society of America, Linguistic Society of the Philippines, New Zealand Linguistic Society, Southeast Asian Linguistic Society, American Council on the Teaching of Foreign Languages, Hawaii TESOL, to name a few.
Si CHUCKBERRY J. PASCUAL ay nagtapos ng PhD Malikhaing Pagsulat sa UP Diliman. Siya ang awtor ng Kumpisal: Mga Kuwento (2015), Pagpasok sa Eksena: Ang Sinehan sa Panitikan at Pag-aaral ng Piling Sinehan sa Recto (2016), Ang Nawawala (2017) at Ang Tagalabas sa Panitikan (2018). Nagsisilbi siya bílang Resident Fellow sa UST Center for Creative Writing and Literary Studies (CCWLS) at Research Fellow sa UST Research Center for Culture, Arts and Humanities (RCCAH).
Si JOVY M. PEREGRINO ay Full Professor sa Departamento ng Filipino at Panitikan ng Pilipinas ng Unibersidad ng Pilipinas Diliman at Visiting Professor sa Busan University of Foreign Studies. Sa UP Diliman din niya natapos ang kaniyang BSE Filipino, MA sa Filipino – Wika, at PhD sa Filipino – Pagpaplanong Pangwika. Nagsilbi siyáng editor ng Daluyan (2010 at 2011), ang refereed journal sa Filipino ng UP Diliman, Salindaw: Varayti at Baryasyon ng Filipino (2012), at MINANGA: Mga Babasahin sa Varayti at Varyasyon ng Filipino (2002). Nakapaglathala na siya ng mga saliksik sa iba’t ibang nasyonal at internasyonal na refereed journal. Nagsilbi siyáng Tagapangulo ng National Committee on Language and Translation ng National Commission for Culture and the Arts (NCCA - NCLT) noong 2007 – 2011, Direktor ng UP Sentro sa Wikang Filipino noong 2009 – 2011, at Sekretaryo-Heneral ng Sanggunian sa Filipino (SANGFIL) noong 2009 – 2011. Mula 2012, ginagampanan niya ang pagiging kasapi ng Regional Quality Assessment Team (RQAT) ng Commission on Higher Education (CHED-NCR).
Si GALILEO S. ZAFRA ay Full Professor sa Departamento ng Filipino at Panitikan ng Pilipinas ng Unibersidad ng Pilipinas Diliman. Dito rin siya nagtapos ng BA sa Araling Filipino (Summa Cum Laude), MA sa Filipino – Panitikan at PhD sa Filipino – Panitikan. Siya ang may-akda ng aklat na Balagtasan: Kasaysayan at Antolohiya (1999); editor ng Tambuli: Babasahin sa mga Kursong Nakasandig sa Kultura (2015), Mga Lektura sa Kasaysayang Pampanitikan (2013), Salin-Suri: Panimulang Pagmamapa ng mga Larangan sa Pag-aaral ng mga Salin sa Filipinas (2010) at Pambansang Balagtasan (2009); at ko-editor ng Ambagan: Mga Salita Mula sa Iba’t Ibang Wika sa Filipinas (2014) at Sawikaan: Salita ng Taon (2006 at 2004). Nagsilbi rin siyáng editor o ko-editor ng Daluyan at Philippine Humanities Review, mga refereed journal ng UP Diliman, sa iba’t ibang taon. Bílang isang tagasalin, kritiko, at iskolar ng wika at panitikang Filipino, nakapag-akda na siya ng maraming salin at artikulo sa iba’t ibang publikasyon at nakapangasiwa o nakapagbasa ng papel sa iba’t ibang kumperensiya, kapuwa nasyonal at internasyonal. Nagsilbi rin siyáng Visiting Professor sa Osaka University mula 2009 hanggang 2014.
hit enter to search